Hewlêr (Rûdaw) - Li bajarê Hadîreyê yê Îsraîlê li 4 cihên cuda 6 kes bi kêran hatin birîndarkirin.
Ajansa Hawarçûnê ya Niştimanî ya Îsraîlê ragihand ku li bajarê Hadîreyê 6 kes rastî êrişên bi kêran hatine û 2 ji wan bi giranî birîndar bûne.
Ajansê diyar kir ku tîman hemû birîndar birine nexweşxaneyê.
Polîsê bajarê Hadîreyê jî da zanîn:
“Êriş li 4 cihên cuda hatin kirin û 6 kes birîndar bûn.”
Polîs ragihand ku êrişkar, şêniyê Îsraîlê ye, bi guleyan hatiye kuştin.
4ê Tebaxa 2024an jî li Tel Evîvê di êrişeke bi kêran de 2 kes hatin kuştin û 2 kes jî birîndar bûn.
Her wiha 1ê Çiriya Pêşînê 2 Filistîniyan li Îsraîlê di êrişeke çekdarî de 6 kes kuştibûn û 9 kes jî birîndar kiribûn.
Êrişa 1ê Çiriya Pêşînê çend xulekan berî ku Îran êrişa xwe ya mûşekî encam bide hat kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse