Hewlêr (Rûdaw) – Fermandariya Navendî ya Amarîkayê (CENTCOM) balafirên şer şandin Rojhîlata Navîn.
CENTCOMê ragihand ku wan ji ber zêdebûna aloziyên Îran û Îsraîlê careke din balafirên şer ên F-22 şandine Rojhilata Navîn.
"Me F-22 şandin"
CENTCOMê di daxuyaniya xwe de diyar kir ku balafirên wan ên şer gihane cihê xwe û got:
“Me F-22 şandin da rê li ber zêdebûna wan aloziyan bê girtin ku ji aliyê Îran û wekîlên wê ve tên derxistin.”
Li gorî daxuyaniyê, F-22 8ê Tebaxê gihiştine “qadên di berpirsiyariya CENTCOMê de” yên li Rojhilata Navîn.
Wezareta Parastinê ya Amerîkayê (Pentagon) berê ragihandibû ku wan ji bo piştgiriya Îsraîlê balafir û keştiyên şer şandine Rojhilata Navîn.
Serokê Hemasê Îsmaîl Heniye 31ê Tîrmehê berê sibehê li Tehrana paytexta Îranê hat kuştin.
Piştî ku Heniye hat kuştin alozî û êrişên li Rojhilata Navîn zêde bûn.
Ji aliyekî ve Hizbulah û Îsraîl êrişî hev dikin û ji aliyê din ve jî Îran û Îsraîl gefan li hev dixwin.
Amerîka jî eşkere dike ku eger êrişî Îsraîlê were kirin ew dê wê biparêzin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse