Nêzîkbûna Enqere û Şamê çekdarên mixalefetê dixe metirsiyê
Hewlêr (Rûdaw) – Li gorî çavdêr û siyasetmedaran eger hikûmeta Sûriyeyê û Tirkiyeyê nêzîkî hev bibin, ew yek dê çekdarên mixalefeta Sûriyeyê bixe metirsiyê.
Piştî daxuyaniyên her du serokên Sûriye û Tirkiyeyê yên derbarê egera asayîkirina pêwendiyên her du aliyan û behskirina egera vekirina rêya M4ê ya di navbera Heleb û Laziqiyê de, hêzên hikûmeta Sûriyeyê êrişeke berfireh bir ser piraniya herêmên li jêr destê Desteya Tehrîr El-Şamê.
Ev cihên ku hêzên hikûmeta Sûriyeyê êriş kiriye bakur û rojavayê Sûriyê bi hev ve girê dide.
Artêşa Sûriyeyê herêmên derdora bajarê Idlibê, Sehl- El-Xab, Sirmaniyê, Diwêr El-Ekrad, Tîbat, Afis û Mearet El-Neisan topbaran dike.
Herwiha balafirên çavdêriyê yên Sûriye û Rûsyayê jî beşdariyê di van operasyonan de dikin.
Çavkaniyên nêzîkî hikûmeta Sûriyeyê jî got ku di demeke nêzîk de, hêzên artêşa Sûriyeyê dê êrişeke berfireh bibe ser parêzgeha Idlibê û hewla kontrolkirina wê navçeyê bide.
Li aliyê din derbarê pêşhateyên nû yên , li Sûriye û Rojavayê Kurdistanê hin çavdêr û siyasetmedar di wê baweriyê de ne ku eger Şam û Enqere nêzîkî hev bibin dê piştevanî ji grûpên çekdar ên bi navê “Artêşa Niştimanî ya Sûrî” nemîne.
Artêşa Niştimanî ya Sûrî” girêdayî Tirkiyeyê ye û bi taybetî li bakurê Sûriyeyê û li herêmên Efrîn, Girê Spî û Serê Kaniyê yên Rojavayê Kurdistanê çalak e.
Herwiha Desteya Tehrîr El-Şam jî li Idlibê, hest bi wê yekê dike ku êdî bi vê jihevnêzîkbûnê pişt ji wan re namîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse