Hewlêr (Rûdaw) - Hêzên ewlehiyê yên Tirkiyeyê, îro li 33 parêzgehên Tirkiye û Bakurê Kurdistanê bi tohmeta endamtiya DAIŞê 147 kes desteser kirin.
Wezîrê Karên Navxwe yê Tirkiyeyê Alî Yerlîkaya li ser hesabê xwe yê Xê dîmenên operasyonê belav kirin.
Li gorî daxuyaniya Alî Yerlîkaya, Serokatiya Îstixbaratê û Serokatiya Daîreya Terorê yên Rêveberiya Ewlehiya Giştî li 33 parêzgehan li dijî DAIŞê operasyonên hevbeş kirin.
Yerlîkaya got, “Li 33 parêzgehan 147 kes hatin desteserkirin ku hatiye tesbîtkirin di nav DAIŞê de kar dikin.”
Di operasyonê de li Bakurê Kurdistanê li Amedê 7, li Rihayê 11, li Semsûrê 3, li Çewlîgê 1, li Bedlîsê 1, Xarpêtê 2, li Dîlokê 6, li Kilîsê 6, li Mêrdînê 3 kes hatin desteserkirin.
Li Tirkiyeyê jî li Edeneyê 5, li Afyonê 17, li Enqereyê 8, li Antalyayê 3, li Boluyê 4, li Bursayê 2, li Çorumê 3, li Duzceyê 1, li Eskîşehîrê 1, li Stenbolê 2, li Îzmîrê 11, li Karabukê 1, li Qeyseriyê 5, li Kirikkaleyê 1, li Kirşehîrê 6, li Kocaeliyê 3, li Konyayê 4, li Kutahyayê 1, li Manîsayê 9, li Mêrsînê 6, li Muglayê 2, li Sakaryayê 8, li Samsunê 2 û li Yalovayê jî 2 kes hatin desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse