Hewlêr (Rûdaw) - CENTCOMê ragihand ku li Îraqê di operasyonên li dijî DAIŞê de leşkerekî Koalîsyonê miriye û 2 leşker jî birîndar bûne.
Fermandariya Navendî ya Hêzên Amerîkayê (CENTCOM) ragihand ku di navbera 30ê Kanûna Pêşîn a 2024 û 6ê Kanûna Paşîn a 2025an de li Îraq û Sûriyeyê ji aliyê hêzên Koalîsyonê ve operasyonên hevbeş li dijî DAIŞê hatine kirin.
Li gorî daxuyaniyê di operasyonên li dijî DAIŞê de li Îraqê leşkerekî Koalîsyonê miriye û 2 leşker jî birîndar bûne.
“Ti zererên canî û madî negihiştin hêzên Amerîkayê”
CENTCOM derbarê operasyonan got:
“Li Îraqê çend caran DAIŞê bersiva hêzên me da û di encamê de leşkerekî Koalîsyonê hat kuştin û 2 leşker jî birîndar bûn.
Leşker xelkê welatên cuda bûn. Ti zererên canî û madî negihiştin hêzên Amerîkayê."
Her wiha hat ragihandin ku di operasyonan de balafirên şer ên F-15 û F-16 hatine bikaranîn.
CENTCOMê derbarê operasyonên li Sûriyeyê wiha got:
“Hêzên Sûriyeya Demokratîk (HSD) bi piştgiriya CENTCOMê 2 û 3yê Kanûna Paşîn li nêzîkî Dêrezorê li dijî DAIŞê operasyon pêk anî û serkirdeyekî DAIŞê hat girtin."
“Jiholêrakirina DAIŞê armanceke global e”
Fermandarê CENTCOMê General Michael Eric Kurilla jî ev daxuyanî da:
"Operasyonên hevbeş ên bi vî rengî ji bo lawazkirina DAIŞê gelekî girîng in.
Her wiha, ev operasyon dibe derfet ku koalîsyona me û hevalbendên me ji bo bidestxistina destkeftiyan li dijî DAIŞê bisekinin ku guherînên bilez li herêmê çêdibin.
Jiholêrakirina DAIŞê armanceke global e û em bi hevalbendên xwe re dixebitin da ku ji heqê wê derkevin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse