serkirdeyekî Hizbulah li Beyrûtê hat kuştin

Hewlêr (Rûdaw)- Yek ji serkirdeyên Hizbulahê Libnanê bi navê Hesan Holo el-Luqeyis şeva borî li ber mala xwe li paytexta Libnanê Beyrûtê hat kuştin.

Ofîsa ragihandina Hizbulah di daxuyaniyê de ku ji aliyê rojnameya el-Nehar a libnanî ve hatiye belavkirin, aşkere kir ku el-Luqeyis saet 12ê şeva borî li ber mala xwe li navçeya San Tîrêz di dema ku ji karê xwe vedigeriya de hat kuştin.

Di daxuyaniyê hatiye diyarkirin ku el-Luqeyis bavê yek ji şervanên Hizbulah e ku di şerê hezîrana sala 2006an de yê di navbera Hizbulah û Îsraîlê de hat kuştin.

Hizbulah di daxuyaniya xwe de Îsraîl bi kuûştina el-Luqeyis tometbar kir û got “Berê jî Îsraîlê li çend navçeyan gelek caran hewl daye el-Luqeyis bikuje”.

Hizbulah herwiha soz da ku tola kuştina serkideyên xwe bide.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger