Hewlêr (Rûdaw) – Serokê Herêma Kurdistanê di çarçoveya Lûtkeya Avhewayê ya Cîhanî ya li Dubaiyê de bi serok û serokwezîrên welatan re civiya.
Serokê Herêma Kurdistanê Nêçîrvan Barzanî li ser vexwendina fermî ya Serokê Îmarata Erebî Şêx Mihemed Bin Zayîd Al Nehyan li Dubaiyê beşdarî merasîma destpêkirina Lûtkeya Avhewayê ya Cîhanî (COP28) bû.
Bi beşdariya serok û serkirdeyên cîhanê 30ê Çiriya Paşînê civîna Lûtkeya Avhewayê ya Cîhanî (COP28) dest pê kir.
Di çarçoveya lûtkeyê de, Nêçîrvan Barzanî bi Şahê Brîtanyayê Charlesê Sêyem, Sekreterê Giştî yê Neteweyên Yekbûyî Antonio Guterres, Seroka Komîsyona Yekîtiya Ewropayê Ursula von der Leyen û bi dehan serok û rêvebirên welatan re civiya.
Nêçîrvan Barzanî li ser hesabê xwe yê Xê daxuyanî da û got:
“Ji bo parastina gerestêrka me, pêwîstî bi hevahengiya cîhanî û xebata bi hev re heye.”
Serokê Herêma Kurdistanê Nêçîrvan Barzanî li Lûtkeya Avhewayê ya Cîhanî:
— RudawKurdi (@RudawKurdi) December 1, 2023
🔶 Ji bo parastina gerestêrka me, pêwîstî bi hevahengiya cîhanî û xebata bi hev re heye #COP28 pic.twitter.com/T2MStb8WLD
Dê îro ku Roja Neteweyî ya Îmarata Erebiyê ye, li Expo Duaiyê lûtke bi rê ve biçe.
Dê Lûtkeya Avhewayê ya Cîhanî (COP28) heta 2yê Çiriya Paşînê berdewam bike.
Serokê Herêma Kurdistanê Nêçîrvan Barzanî îro danê sibehê li Dubaiyê bi hevdîtina bi serok û serokwezîrên welatan re dest bi roja xwe kir#COP28 pic.twitter.com/OQu2kB984M
— RudawKurdi (@RudawKurdi) December 1, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse