Wêne: AA
Hewlêr (Rûdaw) - Bi hatina biharê ligel ku hê berfeke zêde heye li parêzgeha Dêrsimê ya Bakurê Kurdistanê geştên çiyageran destpê kirin û ber bi lûtkeya çiyê ve hilkişiyan.
Nûnerê Dêrsimê yê Kuluba Werzîşên Xweza û Çiyagerî ya Zirve dibêje hejmarek çiyayên bajêr hê keşif nebûne û ji bajarên mezin wek Stenbol, Antalya, Enqere û Izmirê jî çiyager her sal tên vê derê.
Iskender Dogan, Nûnerê Dêrsim ê Kluba Werzîşên Xweza û Çiyagerî ya Zirve, dibêje, “Her hefte em hildikişin ser çiyayên cûda yên Dêrsimê û bi vî awayî xweşikbûna bajarê xwe didin nasandin. Em li benda hatina hemû dostên xwe yên çiyager in ku bên em bi hevre derkevin lûtkeyê.”
Bi armanca nasandina xweza û şûnwarên dîrokî yên Dêrsimê wênegir derdikevin ser lûtkeya çiyayan û bi dîmenên xwe sektora geştyariyê geş dikin.
Malik Kaya, Wênegir, radigihîne, “Cihên herî xweş û gulên herî xweşik li ser lûtkeya çiyayan e. Dema em derdikevin lûtkeyê dîmenên nuwaze dibînin. Em van dîmenan bi makîne û kamerayên xwe jî digrin û li ser înternetê belav dikin.”
Dêrsim ku di navbera çiyayan de ye geştyarên ji cihên cûda tên bi rêbertiya klubên werzîş û çiyageriyê derdikevin ser lûtkeya çiyayên wê yên wek Munzur, Mercan û yên din. Li gor amarên parêzgariyê heta dawiya havîna 2021ê nêzîka milyonek geştyaran serdana parêzgehê kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse