Li Elkê du bira berhemên ciwankariyê ji hingiv çêdikin
Elkê (Rûdaw) - Hingivê ku bi sedan sal e wekî derman ji bo gelek nexweşiyan tê bikaranîn, di heman demê de ji bo ciwankariyê jî berhemeke gelekî bi sûd e.
Li Bakurê Kurdistanê hingivê gelek deveran binavûdeng e û hinekan ji wan xelat wergirtine û ji aliyê Yekîtiya Ewropayê ve jî hatine tomarkirin.
Navçeya Elkê ya Şirnexê bi zozan û hingiviyê xwe binavûdeng e.
Mêşên wê deverê li zozanên bilind li ser bi sedan gul û kulîlk û giya datînin û hingivê wan dibe dermanê gelek derd û birînan.
Du birayên xelkê Elkê Talîb û Metîn dikaneke firotina hingiv vekiriye û êdî ne tenê hingiv difroşin herwiha gelek berhemên cuda jî jê çêdikin.
Kolonya, sabûn, sabûna bi şanê û tiştên din ku di ciwankariyê de têne bikaranîn.
Her du birayan da zanîn ku encama kontrola hingiviyê wan gelekî baş derket û ji bilî bajarên Tirkiye û Bakurê Kurdistanê ji Herêma Kurdistanê gelek kes siparîşa hinginviyê wan didin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse