Helbestvan û hunermendên Rojava ji bo referandumê klîp çêkirin

Hewlêr (Rûdaw) - Komek ji helbestvan û hunermendên Rojavayê Kurdistanê bi vîdyo klîpekê piştevaniya xwe ji Pêşmerge û referanduma serxwebûna Başûrê Kurdistanê re nîşan didin.

Dîmenên vê vîdyo klîpê li Çiyayê Zawa yê Duhokê hatine kişandin, û ev berhem bi navê Pêşmerge El-Selam bi zimanê Erebî hatiye tomarkirin.

Gotinên vê stranê ji honandinên helbestvanê Kurd ê Rojavayê Kurdistanê, Lawikê Hacî ne, ku ew bi xwe xelkê bajarê Serêkaniyê ye, û awaz jî ji aliyê hunermendê Iraqî Nebîl Hesûn ve hatiye amadekirin.

Lawikê Hacî derbarê vê vîdyo klîpê de ji Rûdawê re da xuyakirin, ku armanca wan ji vê berhema hunerî piştgirîkirina referanduma serxwebûna Başûrê Kurdistanê ye.

Biryar e, referanduma serxwebûna Başûrê Kurdistanê di 25ê vê mehê (Îlon) de birêve biçe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger