Wêne: Komeleya Xwebexşên Hawirdorê ya Êlihê
Hewlêr (Rûdaw) - Şaxa Êlihê ya Komeleya Hiqûqnasên bo Azadiyê ragihand ku li gundê Taraşê ser bi navçeya Sasonê ji ber kar û xebata derxistina petrolê maddeyên kîmyayî tevlî ava gund bûne û Lijneya Tendirûstiyê ya navçeyê jî bo ew av neyê vexwarin hişyarî daye welatiyan.
Şaxa Êlihê ya Komeleya Hiqûqnasên bo Azadiyê derbarê îdîayên qirêjbûna çavkaniya ava Nazlidere de ku 5 kîlometre nêzîkî avê kar û xebata lêgerîna petrolê tê kirin daxuyaniyek belav kir. Komeleya navborî dibêje wan ji bo lêkolîna bûyerê şandek ava kirine û wê şandê roja Înê 29ê Kanûna 2022ê li cihê bûyerê lêkolînên xwe kirine.
Li gor encamên lêkolînê niştecihên gundê Taraşê ji ber vexwarina wê avê, beriya hefteyekê nexweş ketine û Lijneya Tendirûstiyê ya Sasonê jî hişyarî daye ku ew av neyê vexwarin. Herwiha nîştecihan gotine ji bo pêwîstiya ava vexwarinê Îdareya Taybet a Parêzgehê rojane 4 tankêrên avê dişîne gund daku ava heyî neyê vexwarin.
Çavdêriyên şanda lêkolînê bo avê jî wiha ne:
-Ava kaniyê li gor beriya hefteyekê kêmtir bûye
-Av şolî diherike
-Li ser avê tebeqeyeke wek zeytê çêbûye
-Li hinek cihan li ser avê tebeqeyek ji çiravê çêbûye
-Bo vexwarina ajelan jî ne guncaw e
OHDê amaje bi wê yekê daye ku vexwarina ava paqij mafekî bingehîn e û ev yek di peymanên navdewletî de jî tê parastin û divê ji bo parastina çavkaniyên xwezayî tedbîrên pêwîst bên wergirtin.
1- Batman’ın Sason ilçesinin Umurlu köy sınırları içinde bulunan ve köy sakinlerinin içme suyu, tarım ve hayvancılıkta kullandığı Nazlıdere su kaynağına petrol arama sondaj çalışmalarından kimyasal maddeler karıştığı iddiası üzerine derneğimiz üyelerinden oluşan bir heyet +++ pic.twitter.com/sLJomGVe12
— ÖHD Batman (@ohdbatman) December 30, 2022
4- su kuyusu açma teklifinde bulunulduğu, su kaynağının kuruması durumunda su kuyusu açılsa bile tarım ve hayvancılık yapamayacakları için köyden göç etmek zorunda kalacakları heyetimize beyan edilmiştir. +++
— ÖHD Batman (@ohdbatman) December 30, 2022
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse