Hewlêr (Rûdaw) - Dadgeha Bilind a Danîmarkayê biryar da, divê Wezareta Karên Derve alîkariyê bike ku zarokekî Danîmarkayî û dayîka wî ji Kampa Rojê ya Rojavayê Kurdistanê werin vegerandin.
Dayîka wî zarokî bi esil ji Somaliyê ye û welatiya Danîmarkayê bûye lê piştî ku sala 2014an li Sûriyeyê tevlî DAIŞê bû nasnameya wê sala 2020an jê hatibû standin.
Zaroka wê sala 2016an li Sûriyeyê ji dayik bûye û bi dayîka xwe re li Kampa Holê û paşê jî li Kampa Rojê yên Rojavayê Kurdistanê hatibûn ragirtin.
Dadgeha Bilind a Danîmarkayê di biryara xwe de ragihand, ji ber sedemên mirovî divê Wezareta Karên Derve alîkariyê bike ku ew zarok û dayîka wî bên vegerandin.
Bi hezaran zarokên biyanî yên ku dayik û bavên wan DAIŞî ne, li kampên Roj û Holê yên Rojavayê Kurdistanê dijîn.
Li Kampa Holê zêdetirî 50 hezar û li Kampa Rojê jî bi hezaran DAIŞî û malbatên wan dimînin.
Rêveberiya Xweser a Rojavayê Kurdistanê ji bo vegerandina DAIŞiyan çend caran daxuyanî dan lê bi hinceta ewlehiyê gelek dewlet wan daxuyaniyan piştguh dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse