Li Dîlokê bûyera trafîkê: 2 mirî, 10 birîndar
Hewlêr (Rûdaw) - Li navçeya Nîzibê ya Dîloka Bakurê Kurdistanê, otomobîlekê û barhilgirekê li hev da.
Di encama bûyerê de 2 kes mirin û 10 kes jî birîndar bûn.
Li ser rêya Nîzib-Bîracikê îro otomobîlekê û barhilgirekê li hev da.
Li ser agahdarkirinê tîmên tenduristiyê û polîs çûn cihê bûyerê.
Di encama qezayê de 2 kesan canê xwe ji dest da û 10 kesên din jî birîndar bûn.
Tîmên tenduristiyê birîndar birin nexweşxaneyên cuda yên bajêr.