Hewlêr (Rûdaw) - Li gundê Zirka ser bi navçeya Raco ya Efrînê, polîsê serbazî ser bi Tirkiye 2 welatî bi tohmeta peywendiya li gel Rêveberiya Xweser û welatiyek ji bajarê Efrînê girtin.
Li gor çavkaniyên Rêveberiya Xweser, li gundê Zirka ser bi navçeya Raco ya Efrînê, polîsê serbazî 2 welatî bi tohmeta peywendiya li gel Rêveberiya Xweser û welatiyek ji bajarê Efrînê girtin.
28ê Temûzê jî, polîsê sivîl ser bi Tirkiye 3 welatî ji gundê Meamel Oşaxî ser bi Mabataya Efrînê bi tohmeta peywendiya li gel Rêveberiya Xweser girtibûn.
Dagirkirina Efrînê
Artêşa Tirkiyê û grûpên çekdarên ên tundrew ku ser bi opozisyona Sûriyê ve ne û Tirkiye piştevaniya wan dike, roja 20ê Çileya 2018an êrişeke berfireh a bejayî û asmanî bo ser Efrînê dan destpêkirin ku di bin kontrola hêzên Kurdî de bû.
Piştî wê êrişa berfireh a bi her cor çekên giran, bajarê Efrînê roja 18ê Adara 2018an ket bin dagirkeriya artêşa Tirkiyê û grûpên çekdar.
Binpêkariyên çekdaran
Di encama êrişên giran û ketina bajêr bo destê çekdaran de, bi sed hezaran xelkê Kurdan mal û warên bicî hiştin û ketin ser rêyên koçberiyê.
Herwiha ji wê roja ku Efrîn ket bin dagirkirina artêşa Tirkiyê û komên çekdar ên opozisyona Sûriyê, binpêkariyên li hember welatiyên Kurd li wê herêmê berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse