SILÊMANÎ – Pêşmergeyên xanenişîn xwepêşandanê dikin

Kerkûk (Rûdaw) – Pêşmergeyên xanenişîn ên Silêmaniyê, ji ber paşketina meaşên xwe li ber avahiya Polîtbûroya YNKê xwepêşandanek sazkirin û daxwaza meaşan kirin.

Peyamnêrê Rûdawê Saman Beşaretî ragihand ku îro danê sibê komek pêşmergeyên dêrîn li ber avahiya Polîtbûroya Yekîtiya Nîştîmaniya Kurdistanê kom bûn û ji rêveberiya YNKê daxwazkirin ku ji bo dayîna meşaên wan guvaşê bixin ser hikûmetê.

Pêşmergeyekî xanenişîn ji Rûdawê re got: “Daxwaziya me rewa ye. Di sala 2016ê de me tenê 3 meşa wergirtine. Ev e meha 8ê hat û em dixwazin guvaşê bixin ser hikûmetê da ku meaşên me bên dayîn.”

Pêşmergeyek dine başdarê xwepêşandanê bibû diyar kir ku hinek ji pêşmergeyan di xaniyên kirê de rûdinin û pereyên wan ji bo xercên rojane jî nemaye.

Wi pêşmergeyî bang li Serokê Herêma Kurdistanê Mesûd Barzanî, Serokwezîr Nêçîrvan Barzanî û Cîgirê Serokwezîr Qubat Talabanî kir ku ji bo pêdana meaşên wan xemxwar bin.

Pêşmergeyek din jî daxuyand ku ew di hemû deman de di çeperên şer de bûne û got: “Piştî ku xanenişîn bûn, em dîsa çûne çeperên şer û me berevaniya xaka nîtîman kir. Lê meaşên me nadin. Me tenê meaşên meha Adarê wergirtiye.”

Ji ber krîza darayî, hikûmeta Herêma Kurdistanê beşek ji mûçeyên karmend û xanenişînan biriye. Ev biryar pêşmergeyên xanenişîn nagre lê ew dibêjin ku dikarin 2-3 mehan carekê meaş werbigrin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger