Hevserokên DBPyê: Em li sindoqên xwe xwedî derkevin
Hewlêr (Rûdaw) - Hevserokên Partiya Herêmên Demokratîk (DBP) Çîgdem Kiliçgun Uçar û Keskîn Bayindir li navçeya Rezanê ya Amedê dengên xwe dan û wan banga xwedîderketina li sindoqan kir.
Li Tirkiye û Bakurê Kurdistanê îro hilbijartinên xwecihî tên kirin û dengdan berdewam dike.
Hevseroka DBPyê Çîgdem Kiliçgun Uçar li dibistaneke navîn a navçeya Rezanê dengê xwe da.
Çîgdem Kiliçgun Uçarê piştî wê amaje bi wê yekê da ku rikeberiya hilbijartinê ne di şert û mercên wekhev de bûye û kedeke mezin hatiye dayîn.
Uçarê got: “Em bawer in ku encamên kar û xebata me dê bi îradeya gel derkevin holê.
Amed yek ji wan bajarên Kurdan e ku bi qeyûman îradeya gel hatiye zeftkirin û li cihê sîyaseta demokratîk, a talanê hatiye danîn.
Me jî dengê xwe da û banga me ew e ku hemû kes biçe ser sindoqan û dengê xwe bide.
Li gel vê yekê jî divê em xwedî li sindoqan derkevin.”
2024 Yerel Seçimi için oyunu kullanan Eş Genel Başkanımız Çiğdem Kılıçgün Uçar halkımıza sandık başlarına giderek oylarını kullanmalarını, irade ve geleceklerine sahip çıkma çağrısında bulundu.
— DBP (@DBP_GenelMerkez) March 31, 2024
Talancı ve rantçı kayyum rejimine son vermek, özgürlük ve demokrasiyi tesis etmek… pic.twitter.com/4hfEWGkL5Y
Hevserokê din ê heman partiyê Keskîn Bayindir jî li heman navçeyê lê li dibistaneke cuda dengê xwe da.
Bayindir jî banga çûna ser sindoqan û xwedîderketina li dengan kir.