Hewlêr (Rûdaw) – Partiya Gelan a Wekhevî û Demokrasiyê (DEM Partî) di hilbijartinên şaredariyan de li bajarê Amedê li gorî encamên destpêkê li navenda bajêr û 14 navçeyên wê li pêş e.
Li sê navçeyên Amedê jî namzedên AK Partiyê li pêş in.
Li Tirkiye û Bakurê Kurdistanê xelk îro ji bo hilbijartinên şaredariyan çû ser sindoqan.
Piştî ku saet 17:00ê dengdana ji bo hilbijartinên şaredariyan li seranserê Tirkiye û Bakurê bi dawî bû hejmartina dengan dest pê kir.
Li gorî amarên destpêkê yên AAyê li navenda Amedê ji sedî 87,54an a dengan hatine hejmartin.
Namzeda DEM Partiyê ya Şaredariya Bajarê Mezin a Amedê Ayşe Serra Bucak Kuçukê ji sedî 64,22an a dengan bi dest xistiye.
Namzedê AK Partiyê yê Şaredariya Bajarê Mezin a Amedê Mehmet Halîs Bîlden jî 16,94an a dengan wergirtiye.
Li navçeyên Çermûg, Şankuş û Hezroyê namzedên AK Partî li pêş in lê li her 14 navçeyên din ên bajêr namzedên DEM Partiyê li pêş in.
Li Amedê hejmartina dengan berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse