Berbijêrê AK Partiyê yê Şaredariya Bajarê Mezin a Amedê dengê xwe da

Amed (Rûdaw) - Berbijêrê AK Partiyê yê ji bo Şaredariya Bajarê Mezin a Amedê Cumali Atilla li Amedê dengê xwe da.

Cumali Atilla weke qeyûm li Şaredariya Bajarê Mezin a Amedê hatibû danîn û di vê hilbijartinên şaredariyan de berbijêrê Partiya Dad û Geşepêdanê (AK Partî) ye.

Atilla diyar kir ku ew ji welatiyan daxwaz dike biçin ser sindoqan û îradeya xwe nîşan bidin.

Cumali Atilla hêviya xwe anî ziman ku hilbijartineke bi aram birêve biçe û got: “Peywira me hemûyan e ku em xwedî li demokrasiyê derkevin, îro rêjeya bilind a beşdariya hilbijartinan dê wê yekê nîşan bide ku gelê me çiqas xwedî li demokrasiyê derdikeve.”

Berbijêrê AK Partiyê yê Şaredariya Mezin a Amedê herwiha got: “Rojên hilbijartinan, roja cejna demokrasiyê ye. Em ji Xwedayê Mezin daxwaz dikin ku ev hilbijartin di keş û hewaya cejnê de birêve biçe.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger