Hewlêr (Rûdaw) - Ji berf û cemedê rêya Meletî-Qeyserî û rêya Meletî-Sêwasê hat girtin.
Li parêzgeha Meletî ya Bakurê Kurdistanê şev berfeke zêde barî, di hatin û çûyînê de zehmetî tê kişandin.
Hat ragihandin berfê rêya Meletî û Qeyseriyê girt.
Cendirmeyan û polisên trafîkê wesayîtên ber bi Qeyseriyê ve diçin li Darendeyê dan sekinandin û destûr nedan ku ew herin.
Ji bo xwendekarên di wargehan de dimînin û kesên di rê de mane cih hat amadekirin ku ew li wir bimînin.
Herwiha Berfê rêya Meletî û Sêwazê girt, çûyîn û hatin sekinî. Cendirme û polîsên trafîkê wesayîtan li navçeya Hekîmxanê didin sekinandin û destûr nadin ew derbas bibin.
Li Sêwazê rêya 641 gundan ji ber berfê hat girtin
Li gor agahiya Rêveberiya Xizmetên Rê û Gîhandinê ya Îdareya Taybet a Bajar li navenda Sêwazê û navçeyan 32 greyder, 22 wesayîtên barkirinê, 6 dozer, 9 kamyon, 26 kamyonên serwîsê û 61 karmned ji bo ku rêya gundan vekin dixebitin.
Ji ber berfê Sêwaz çîl û spî bû û rêya 641 gundan girtiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse