Hewlêr (Rûdaw) - Hevseroka HEDEPê li navçeya Sirûcê ya parêzgeha Rihayê ya Bakurê Kurdistanê çû cem Emîne Şenyaşarê.
Hevseroka Partiya Wekhevî û Demokrasiyê ya Gelan (HEDEP) Tulay Hatîmogullari doh ji bo hinek hevdîtinan li Rihayê bû.
Tulay Hatîmogullariyê li pêşiya Navenda Kargehan a Ahmet Bahçivanê bi gel re civiya û got:
“Dema ku DAIŞê hewl dida Kobaniyê dagir bike, li vir dîroka berxwedanê hat nivîsandin. Axa herî zêde piştevaniya gelên Kobaniyê û Bakur û Rojhilatê Sûriyê kir, Riha ye.
Bê guman ji gelek aliyan ve berdêleke giran da. Wekî gelek bajarên me yên li ser sînor, li vir jî rêxistinên dijminê mirovahî, demokrasî û jinê yên mîna DAIŞ û El Nusrayê pir zêde ne.”
Tulay Hatîmogullariyê li Rihayê çû cem Dayika Aştiyê Ayşe Tekînê û Adle Samuraya 63 salî ya ku hatibû girtin û piştî 7 mehan hatibû berdan.
Hatîmogullariyê herwiha li navçeya Sirûcê çû cem hinek malbatên girtiyan û Emîne Şenyaşarê.
Hevseroka Partiya Wekhevî û Demokrasiyê ya Gelan (HEDEP) Tulay Hatîmogullari di serdana xwe de got:
“Tekoşîna dayika Emîneyê, tekoşîna partiya me ye.”
Hevjîn û du kurên Emîne Şenyaşarê di êrişa xizmên Parlamenterê berê yê AK Partiyê Îbrahim Halil Yildiz de canê xwe ji dest dabû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse