Hewlêr (Rûdaw) - Li parêzgeha Amedê ya Bakurê Kurdistanê roja Sêşembê 30ê Mijdara 2021ê ji ber mij û moranê geştên esmanî rawestiyan.
Li gor agahiyan li parêzgehê ji ber ûmij û moranê geştên serê sibehê yên navbera Amed- Stenbolê û Amed-Enqerê dualî hatine betalkirin. Derbarê rewşê de rayedaran ragihandiye ku ji ber berdewamiya mij û moranê egera betalkirina geştên esmanî yên piştî nivro jî heye.
Îro 30ê Mijdarê Rêveberiya Saziya Keşûhewayê ya Herêmê derbarê egera berf û bahozê de jî daxuyaniyek belav kir û bo parêzgehên Wan, Colemêrg, Bedlîs û Muşê yên Bakurê Kurdistanê hişyariya berf û bahozê hat dayîn û bang li welatiyan hat kirin ku tedbîrên xwe werbigrin.
Li Stenbol û hejmarek parêzgehên din ên Tirkiyê 29ê Mijdara 2021ê bahoz rabû û di encam de 4 welatiyan canê xwe ji dest dan û 38 kes jî birîndar bûn û zerareke zêde ya madî jî çêbû, herwiha li 10 parêzgehan ji ber bahozê dibistan bo rojekê hatin rawestandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse