Ji zebeşên Amedê rîçal û dimisê çêdikin
Hewlêr (Rûdaw) - Xwendekarên Beşa Aşpêjiyê ya Zanîngeha Dicleyê li ser zebeşên Amedê kar dikin û berheman jê çêdikin.
Mijara dersa wendekarên beşa aşpêjiyê yên li Zanîngeha Dicleyê ya li Ameda Bakurê Kurdistanê, vê carê ji zebeşê Amedê çêkirina dims, rîçal, şerbet û selete û sosên li ber xwarinên goşt e.
Qalikên zebeşan dikin rîçal
Qalikên zebeşê Amedê dikin rîçal, ava wî dikin dims û dendikên wî dikin çerez.
Akademîsyenê Beşa Aşpêjiyê ya Zanîngeha Dicleyê Cuneyt Ateş diyar ku ew xwendekarên xwe ji bo jiyana kar amade dikin û got:
“Eger em mînak bidin zebeş li herêmên geştyarî û li otel û motelan wekî xwarin tê pêşkêşkirin lê ji zebeş berhemên cuda nayên çêkirin.
Em bi xwendekarên xwe re ji zebeş, rîçal û dimsê çêdikin û ev jî dê sûdê bigihîne wan.”
Xwendekarên ku dixwazin bibin aşpêjên baş dibêjin ji hebûna metbexeke wisa kêfxweş in.
Xwendekara Beşa Aşpêjiyê Leyla Gokçekê jî got:
“Me ji zebeşên Amedê gelek tişt berhem anîn. Ji nav erd heta sifreyê me wekî selete, rîçal, şerbet û gelek berhemên din çêkirin. Ez gelekî bi şans im ku li vê derê me.”
550 xwendekarî xwendina xwe temam kiriye
Beşa Aşpêjiyê ya Zanîngeha Dicleyê sala 2010an hat vekirin û heta niha 550 xwendekarî li wê beşê xwendina xwe temam kiriye û 190 xwendekar jî xwendina xwe berdewam dikin.
Metbexeke beşê ya modern heye ku di heman demê de 24 kes dikarin tê de bixebitin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse