Hewlêr (Rûdaw) - Li parêzgeha Dîlokê ya Bakurê Kurdistanê di du bûyerên trafîkê de 3 kesan canê xwe ji dest da û 19 kes birîndar bûn.
Her du bûyer îşev Yekşembê 30 Cotmehê çê bûne ku yek ji wan bûyerên trafîkê li navçeya Belkî û bûyera din jî li navçeya Şehîtkamil a Dîlokê çê bûye.
Li gor zanyariyên ji medyaya fermî ya Tirkiyê ve, êvara îro li navçeya Belkîs a ser bi parêzgeha Dîlokê ve li ser rêya di navbera Riha û Dîlokê de du otomobîl li hev qelibîn û di encamê de 2 kesan canê xwe ji dest da û 5 kes jî birîndar bûn.
Otomobîla ku Ahmet Kurt diajût û otomobîla Hasan Yıldız diajût 30ê Cotmehê derengî şevê li ser rêya dinavbera Riha û Dîlokê de li hev qelibîn.
Kesên ku di wê bûyerê de canê xwe ji dest dane, şofêrê yek ji otomobîlan bi navê Hasan Yildiz û welatiya bi navê Cemîle Kurt in.
Herwiha li navçeya Şehitkamil a Dîlokê bûyereke din a trafîkê çê bû.
Li gor agahiyan, îşev li ser rêya Maaşkuyu ya qezaya Şehitkamil servîsa karkeran û otomobîlek li hev qelibîn.
Di bûyerê de kesekî canê xwe ji dest da û 14 kesên din jî birîndar bûn.
Li gor zanyariyan, kesê ku di bûyerê de canê xwe ji dest daye, karker û rêwiyê servîsa karkeran û navê wî Yaşar T. ye.
Polîs û hêzên emnî tevî tîmên tendirustî û hewarçûnê gihîştin cihê bûyerê û birîndar rakirin nexweşxaneya bajêr.
Herwiha termê kesê ku di bûyerê de canê xwe ji dest daye, bo morga nexweşxaneyê hat şandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse