Hewlêr (Rûdaw) - Li navçeya Cilawûzê ya parêzgeha Qersê ya Bakurê Kurdistanê kesekî hevjîna xwe kuşt.
Li gorî zanyariyan li gundê Çataxa Mezina navçeya Cilawûzê di navbera D.M.yê 30 salî û hevjîna wî Sila M.ya 18 salî de ji ber sedemeke nediyar nîqaş derket.
Di encama nîqaşê de D.M. bi çekê gule li hevjîna xwe Sila M.yê reşandin.
Sila M. li cihê bûyerê mir.
Li ser agahdarkirinê tîmên tenduristiyê û hêzên ewlehiyê çûn cihê bûyerê.
Tîman termê Sila M.yê ji bo karên otopsiyê bir Nexweşxaneya Dewletê ya Harakaniyê ya li navenda Qersê.
Kujer D.M. ji aliyê cendirmeyan ve li cihê bûyerê hat desteserkirin.
Hat zanîn ku zarokekî D.M. û Sila M.yê yê 7 mehî heye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse