Hewlêr (Rûdaw) - Li navçeya Çinarê ya parêzgeha Amedê ya Bakurê Kurdistanê di pevçûna 2 malbatan de 2 kes hatin kuştin, 3 kes jî birîndar bûn.
Li gundê Xitmêranê yê Çinarê 2 malbatên ku merivên hev in li ser coka avdaniyê bi çekan pev çûn.
Di pevçûnê de kesên bi navê Mehmet Mustafa Deger, Muhamed Akin Deger, E.E.D, E.U.D. û E.D.D. birîndar bûn.
Li ser agahdarkirinê cendirme û tîmên tenduristiyê çûn cihê bûyerê.
Tîmên tenduristiyê birîndar birin nexweşxaneyan.
Mehmet Mustafa Deger û Muhamed Akin Deger li nexweşxaneyê tevî hemû hewldanan canê xwe ji dest da.
Her wiha dermankirina 3 birîndarên din li nexweşxaneyan berdewam e.
Li aliyê din cendirmeyan ji bo girtina kesên ku tevlî pevçûnê bûne xebat daye destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse