Li Mêrdîn û Semsûrê qeza: 14 kes birîndar bûn
Hewlêr (Rûdaw) - Li parêzgehên Mêrdîn û Semsûrê yên Bakurê Kurdistanê di du bûyerên trafîkê de 14 kes birîndar bûn.
Li gorî zanyariyan, şeva borî li ser rêya sereke ya Semsûrê û navçeya wê ya Kolikê 2 otomobîl li hev qelibîn.
Di encama wê qezayê de 8 kes birîndar bûn.
Li ser agahdarkirinê tîmên tenduristiyê çûn cihê bûyerê.
Tîman birîndar birin Nexweşxaneya Perwerde û Lêkolînê ya Semsûrê.
Li Mêrdînê 6 kes birîndar bûn
Li aliyê din, doh li navçeya Şemrexê jî barhilgirek û otomobîlek li hev qelibîn.
Di wê bûyerê de jî 6 kes birîndar bûn.
Li ser agahdarkirinê tîmên tenduristiyê çûn cihê bûyerê.
Tîmên tenduristiyê birîndar rakirin Nexweşxaneya Perwerde û Lêkolînê ya Mêrdînê.
Hat ragihandin ku du birîndaran îro canê xwe ji dest daye.