Piştî saetekê agir hat vemirandin
Hewlêr (Rûdaw) – Li Hewlêrê agir bi depoya Komîsyona Hilbijartinan a Iraqê ket û piştî saetekê agir hat vemirandin. Rêveberê Berevaniya Şaristanî ya Hewlêrê diyar kir ku sedema şewatê û zirar û ziyan heta niha ne diyar in.
Rêveberê Berevaniya Şaristanî ya Hewlêrê Şiwan Ebdulqadir di konferansa rojnamevaniyê de ragihand: “Sedema şewatê heta niha ne diyar e, divê lijneyek ji çend efserên jêhatî were pêkanîn, daku em sedema şewatê bizanin û ziraran destnîşan bikin.”
Şiwan Ebdulqadir diyar kir: “Şewat li holekê derketiye, hola ku kelûpelên komîsyonê têde bûn, tîmên me agir vemirandin.”
Ebdulqadir herwiha eşkere kir: “Li gor zanyariyên me, ti pasevanekî depoyê tine bû, sedema şewatê jî ne diyar e, di nav depoyê de ti sîstemeke agirvemirandinê jî tine ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse