Hewlêr (Rûdaw) – Li navçeya Bêrecûkê ya parêzgeha Rihayê ya Bakurê Kurdistanê, du malbat bi dar, kevir û tifingan pev çûn.
Di encama pevçûnê de, 2 kes bi çek û 3 kes jî bi keviran birîndar bûn.
Li gorî agahiyan, Gul Korkmaz dixwest ji hevjînê xwe Oktay Korkmaz ku pismam wê ye veqete û demek bû ku bi malbata xwe re dijiya.
Oktay Korkmaz bi hinceta “axaftinê” çû mala bavê hevjîna xwe ya ku li Bêrecûka Rihayê ye.
Piştre di navbera wî û malbata hevjîna wî de nîqaş derket.
Malbata Oktay Korkmaz jî beşdarî nîqaşê bû û her du aliyan bi kevir, çov û tifingan êrişî hev kir.
Di encamê de, Gul Korkmaz û keça wê Çîgdem Korkmaz bi çekê birîndar bûn û Omer, Feyaz û Muslum Korkmaz jî ji ber keviran birîndar bûn.
Li ser agahdarkirinê, tîmên tenduristiyê û cendirme çûn cihê bûyerê.
Tîmên tenduristiyê her 5 birîndar rakirin nexweşxaneya navçeyê.
Li gorî agahiyan, rewşa birîndaran baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse