Li Şirnexê ji ber mij û moranê çûnûhatin zehmet bûye
Hewlêr (Rûdaw) - Li navçeyên Qilaban û Bêşebabê ser bi parêzgeha Şirnexê ya Bakurê Kurdistanê du roj in barîna berfê berdewam e û ji ber mij û moranê çûnûhatin zehmet bûye.
Li navçeyên Qilaban û Bêşebabê ser bi parêzgeha Şirnexê 20 santîmetre berf bariya ye û rêya 4 gund û gundikekî jî hatiye girtin.
Tîmên girêdayî şaredariyê bi armanca vekirina rêyan dest bi kar û xebatê kirine.
Herwiha li navenda bajêr jî ji ber mij û moranê çûnûhatina welatiyan zehmet bûye û tîmên trafîkê hişyariyê didin ku welatî tedbîrên xwe werbigrin.