Li Êlihê 4 kesên ji malbatekê ji gaza sobeyê bi jehrî ketin

Hewlêr (Rûdaw) - Li navçeya Kercewsê ya ser bi parêzgeha Êlih a Bakurê Kurdistanê ve, 4 kes ji ber gaza karbonmonoksîda ji sobeyê bi jehrî ketin.

Li gundê Merwanî yê ser bi qezaya Kercewsê, jin û mêrek û du zarokên wan bi sedema gaza karbonmonoksîda ji sobeyê jehrî bûn.

Navê herdu hevjînan Abdulhakîm û Hamîde û navê herdu zarokên wan jî Yurdesev (7 salî) û Bawer (4 salî) hatiye ragihandin.

Li ser agahdarkirinê tîmên tendirustiyê bo cihê bûyerê hatin şandin.

Tîmên tendirustiyê Abdulhakim û Hamîde û zarokên wan Yurdesev a 7 salî û Bawerê 4 salî bo Nexweşxaneya Dewletê ya Kercewsê veguhestin.

Hatiye ragihandin, rewşa tendirustiya her 4 kesan baş e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger