GEVER – Di hezazê de barhilgirek hindik ma ji zinar biketa: 3 birîndar

Hewlêr (Rûdaw) - Li ser rêya Gever-Colemêrgê çiya bi ser barhilgirekê de herifî, 3 kes birîndar bûn.

Li nêzîkî Xezekyanê li ser rêya Gever-Colemêrgê hezaz çêbû.

Parçeyên zinar û keviran beşeke mezin a rê bi temamî girtin.

Di dema hezazê de barhilgira ku kelûpelên înşaatê lê barkirî bû di bin keviran de ma.

Barhilgira ku di bin hezazê de ma li bendên hesinî yên li kêleka rê ket û hindik ma ji zinar biketa û biçûya nav çem.

Di qezayê de 3 kesên di barhilgirê de bûn birîndar bûn.

Li ser agahdarkirinê tîmên tenduristiyê, cendirme û AFADê çûn cihê bûyerê.

Birîndar ji aliyê tîmên tenduristiyê ve ji wesayîtê hatin derxistin û tîman ew birin Nexweşxaneya Dewletê ya Geverê.

Tîman ji bo vekirina rê dest bi kar û xebata paqijkirinê kir.

Piraniya bendên hesinî yên li kêleka rê ji ber hezazê zerer dîtine lê beşa ku barhilgir lê asê maye saxlem e.

Rêya di navbera Gever û Colemêrgê de ji ber herifînê hat girtin

Tîman ji bo vekirina rê dest bi kar û xebata paqijkirinê kir

📹 Rûdaw pic.twitter.com/XrCtoytsX3

— RudawKurdi (@RudawKurdi) December 29, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger