Balafirên şer ên Tirkiyeyê derdora gundekî Dihokê bombebaran kir

RÛDAW

Hewlêr (Rûdaw) – Balafirên şer ên Tirkiyeyê derdora gundê Xorpiniyê yê navçeya Zawîteyê ya parêzgeha Dihokê bombebaran kir.

Li gorî dîmenên ku ji Rûdawê re hatine şandin, balafirên şer ên Tirkiyeyê deverên çiyayî yên navçeya Zawîteyê bombebaran dikin.

Welatiyê ji gundê Xorpiniyê Bîlal Başûrî ji Rûdawê re got:

“Wekî me dît wesayîtek hat bombebarankirin. Ji ber ewlehiyê em nikarin biçin cihê bûyerê.”

Bîlal Başûrî herwiha anî ziman:

“Xuyaye ku ew wesayîteke gerîlayên PKKyê bûye lê heta niha ziyanên wê nehatine zanîn.”