KERKÛK – Li ser navê asayişê malbatek şelandin

Kerkûk (Rûdaw) – Li Kerkûkê hinek kesên ku xwe wekî endamên asayişê dane nasîn malek şelandin.

Li bajarê Kerkûkê di heyama mehekê de 9 bûyerên şelandin û diziyê qewimîn lê heta niha ti kes nehatine girtin.

Welatiyê Kerkûkê yê bi navê Mele Muhsîn Wahab jî yek ji wan kesan e ku mala wî hatiye şelandin.

Mele Muhsîn Wahab ji Rûdawê re diyar kir ku bi şev 6 kesên çekdar û rû peçandî xwe wekî endamên asayişê dane naskirin û ketine hundire mala wî.

Wahab wiha got: “Em daxistin mezelekê de derî li ber me asê kirin. Bi hêceta lêgerinê 40 hezar dolare me dizin. Piştre mirov û ciranên me haware me hatin û derî şikandin û em xilas kirin.”

Berdevkê Asayişa Kerkûkê Simko Mahmûd jî wiha got: “Dema dinê tarî bû bila welatî deriyên xwe ji kesên biyanî re venekin. Di rewşeke wiha de bila ji polîs û hêzên ewlekariyê agahdar bikin û alîkariyê bixwazin.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger