Hewlêr (Rûdaw)- Berdevkê Hikûmeta Herêma Kurdistanê red kir ku roja 7/1/2014 li Herêma Kurdistanê bêhnvedana fermî be û dibêje ew roj dewam dê normal be.
Berdevkê Hikûmeta Herêma Kurdistanê Sefîn Dizeyî di daxuyaniyekê de ku di malpera fermî ya hikûmetê de hatiye belavkirin, ew nûçe red kir ku di çend saziyên medyayê de bi navê “daxuyaniyek ji Encûmena Wezîrên Herêma Kurdistanê” belav bûne ku qaşo rojên 6 û 7ê çile bêhnvedana fermî ye li Herêma Kurdistanê.
Dizeyî tekez kir ku wek berê di malpera fermî ya hikûmetê de hatiye belavkirin, rojên 1 û 2/1/2013 li hemû sazî û dezgehên hikûmî li Herêma Kurdistanê bêhnvedana fermî ye.
Dizeyî herwiha got ku roja 6/1/2014 dê li hemû saziyên hikûmî bêhnvedana fermî be bi helkefta salvegera damezirandina Artêşa Iraqê, lê roja 7/1/2014 dewam normale.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse