Hikûmeta Kurdistanê rojek weke bêhnvedan ragihand

Hewlêr (Rûdaw) – Hikûmeta Herêma Kurdistanê ragihand, ji ber salvegera roja ji dayikbûna Pêxemberê Îslamê, roja Pênşemê 30-11-2017 weke bêhnvedan hatiye destnîşankirin.

Berdevkê Hikûmeta Herêma Kurdistanê Sefîn Dizeyî bi daxuyaniyeke nivîskî ragihand: “Ji ber boneya ji dayikbûna Pêxemberê Îslamê Hz. Mihemmed (silavên Xwedê li ser bin), hemû mislimanên Kurdistan û cîhanê pîroz dikin û hêvîdar in, ku ev salvager bibe sedema yekrêzî û pêkhatina daxwazên gelê Kurdistanê.”

Sefîn Dizeyî da zanîn, ku bi jer vê rojê, roja Pênşemê 2017-11-30 li hemû sazî û dezgehên hikûmetê bêhnvedana fermî ye.

Li Başûrê Kurdistanê roja Qendîla Mewlîda Pêxemberê Îslamê danê sibê nimêjên bi kom tên kirin, mewlîd tê xwendin û xêr tê belavkirin.

 (N.S)

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger