Li Rihayê ji ber zeviyan pevçûn derket: 5 kes birîndar bûn

Hewlêr (Rûdaw) -  Li navçeya Siwêregê ya Rihayê ji ber zeviyan pevçûn derket û di encamê de 5 kes birîndar bûn.

Li gundê Hekîceyê yê Siwêregê di navbera endamên malbata Gulalanê de ji ber nelihevkirina li ser zeviyan nîqaş derket.

Nîqaş mezin bû û guherî pevçûnê.

Di pevçûna ku kevir û çov hatin bikaranîn de Mehmet, Îmhan, Cebraîl Gulalan û 2 kesên ku nasnameya wan nediyar e birîndar bûn.

Tîmên tenduristiyê birîndar rakirin Nexweşxaneya Dewletê ya Siwêregê.

Her wiha tîmên tenduristiyê kesekî ku xetereya jiyana wî heye bir Rihayê.

Cendirmeyan li gund û nexweşxaneyê tedbîr standin û 2 kes hatin desteserkirin.