Hewlêr (Rûdaw) - Li parêzgeha Qersê ya Bakurê Kurdistanê, saloneke şahiyan ji aliyê hinek kesan ve hat gulebarankirin û di encamê de zarokekî 6 salî hat kuştin.
Li gorî zanyariyan, îro saloneke şahiyan a li ser cadeya Înonuyê ya Qersê ji aliyê hinek kesên nediyar ve hat gulebarankirin.
Zarokê 6 salî yê bi navê Muhammet Poyraz Erdagê ku di wê demê de li pêşiya mala xwe dilîst, bû armanca yek ji wan guleyan û bi giranî birîndar bû.
Li ser agahdarkirinê tîmên tenduristiyê çûn cihê bûyerê û wan zarokê birîndar veguhast nexweşxaneyê.
Lê tevî hewldanên bijîşkan wî canê xwe ji dest da.
Hêzên ewlehiyê ji bo desteserkirina gumanbaran dest bi xebatan kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse