Hewlêr (Rûdaw) - Li parêzgeha Wanê ya Bakurê Kurdistanê xwendekar Rojîn Kabaîş 2 roj in winda ye.
Kar û xebatên lêgerîna xwendekara Zanîngeha Yuzuncu Yilê Rojîn Kabaîşê ku 2 roj in winda ye berdewam in.
Li gorî zanyariyan xwendekara beşa Gihandina Zarokan a Zanîngeha Yuzuncu Yilê ya Wanê Rojîn Kabaîş 27ê Îlonê çûye perava Gola Wanê û piştî wê deng jê derneketiye.
Li ser agahdarkirinê tîmên binavê li Gola Wanê dest bi kar û xebatên lêgerînê kirin.
Hat ragihandin ku doh hevalên Rojînê çûne peravê û li cihekî telefon û berguhkê wê dîtine.
Di roja 2yemîn de jî kar û xebatên tîmên binavê yên Fermandariya Ewlehiya Peravên Wanê berdewam in.
Li gorî zanyariyan xwendekara Zanîngeha Yuzuncu Yilê Rojîn Kabaîş ji Amedê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse