Top li Dêrelûkê ket, gundek hat valakirin!

Hewlêr (Rûdaw) – Îro devdevê êvarê guleyeke topê li navenda nahiyeya Dêrelûkê ya Amêdiyê ket.

Nûçegihanê Rûdawê Huner Reşîd da zanîn ku guleya topê bi 50 metreyî li nêzîkî malekê ketiye.

Li gorî agahiyên ku Huner Reşîd Reşîd dane, mirî yan birîndar nînin lê xisareke zêde gihaye xelkê.

Dilovan Rêkaniyê ku şêniyekî Dêrelûkê ye ji Rûdawê re da zanîn ku gule li nêzîkî mala wî ketiye û got, “Tirs û xof li nav xelkê belav bûye.”

 Gundek hat valakirin

Tirkiyeyê demên dawiyê êrişên xwe yên bi hinceta PKKyê zêde kirine û ji ver van êrişan gundekî Amêdiyê hat valakirin.

Çavkaniyeke fermî ya ku nexwest navê xwe eşkere bike, ji Rûdawê re za zanîn ku gundê Dergela Mûsabegê yê li quntarên Çiyayê Metînayê ji ber êrişan hatiye valakirin.

Şêniyên gund zivistanan diçin germiyanan û havînan diçin zozanan lê ew niha ji ber êrişan neçar mane û ji mal û milkê xwe bar bikin.

Topa Tirkiyeyê li nahiyeya Dêrelokê ya Dihokê ket

🛑 Li gorî çavkaniyên cihî, mirî û birîndar nînin pic.twitter.com/ogF8BwaNDT

— RudawKurdi (@RudawKurdi) June 29, 2024

Tirkiye haziriya êrişê dike

Li hêla din, Tîmên Aştiyê yên Civakî (CPT) ragihandibû ku Tirkiyeyê di nava 10 rojan de herî kêm 300 tank birine 6 gundên Dihokê û amadehiya êrişê dike.

Li gorî rapora CPTyê, leşkerên Tirkiyeyê ketine gundên Kêste, Aradna, Çelkê, Babîrê, Ure û Sereroyê yên Kanî Masêyê û bi peyatî li nava gundan digerin.

CPTyê herwiha ragihandibû ku Tirkiyeyê ji destpêka sala 2024an zêdeyî 800 carî êrişî Herêma Kurdistanê kiriye û 8 sivîlan jî ji ber wan êrişan canê xwe ji dest daye.

Tirkiye li Başûrê #Kurdistan'ê xalên nû yên leşkerî datîne

🛑 Leşkerên Tirkiyeyê li xalên leşkerî nasnameya xelkê Başûrê Kurdistanê kontrol dikin pic.twitter.com/uHHBp16N3p

— RudawKurdi (@RudawKurdi) June 25, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger