Hewlêr (Rûdaw) - Başak Demîrtaş biryara dozgeriyê ya berdewamkirina girtina Selahedîn Demîrtaş û Fîgen Yuksekdag belav kir û got, “aqlê sivik barê giran e.”
Başak Demîrtaş, hevjîna Selahedîn Demîrtaş hevserokê berê yê Partiya Demokratîk a Gelan (HDP) li hejmara xwe ya Twitterê peyamek belav kir û nerazîbûn nîşanî biryara berdewamkirina girtina Demîrtaş û Fîgen Yuksekdag, hevseroka berê ya HDPê da.
Başak Demîrtaş di wê twîta xwe de biryara dozgeriyê ku tê de hatiye gotin, “delîl nehatine komkirin û diyardeyên şênber hene ku gumanbar xwe veşêrin an birevin” belav kir.
Hevjîna Demîrtaş di wê peyama xwe de got, “Dozger ev 6 sal e nekariye delîlan kom bike. Fîgen û Selahedîn dê birevin. Aqlê sivik barê giran e.”
Selahedîn Demîrtaş û Fîgen Yuksekdag di mijdara sala 2016an de bi hinceta ku propagandaya PKKê kirine bi 11 parlamenterên HDPê re hatibûn desteserkirin û piştre jî hatibû zindankirin.
Derbarê Demîrtaş de 31 fezleke hatine amadekirin û hemû îdiayên derbarê Demirtaş de di 2 keysan de hatine berhevkirin. Demîrtaş hê jî li Girtîgeha Edîrneyê zindankirî ye.
Fîgen Yuksekdag jî li Girtîgeha Kandira a li bajarê Kocaeliyê zindanîkiriye.
Savcı 6 yıldır delil TOPLAYAMAMIŞMIŞ.
— Başak Demirtaş (@Basak__Demirtas) June 29, 2020
Figen ile Selahattin KAÇACAKMIŞMIŞ.
Aqlê sivik barê giran e. pic.twitter.com/gQUwRXZMTF
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse