Hewlêr (Rûdaw) - HPGyê dîmenên xistina droneke bombebarkirî ya Tirkiyeyê belav kirin.
Navenda Ragihandin û Çapemeniyê ya Hêzên Parastina Gel (HPG) ku baskê leşkerî yê Partiya Karkerên Kurdistanê (PKK) ye, li ser mijarê daxuyaniyek belav kir.
HPGyê ragihand ku wan demjimêr 03:45ê 27ê Gulanê li Çiyayê Qendîlê droneke bombebarkirî ya Artêşa Tirkiyeyê ku cureyê wê AKSUNGUR e xistiye xwarê.
Li gorî HPGyê, ew firokeya bêfirokevan bi bombe û teqemeniyan barkirî bû û ji aliyê hêzên wan ve hatiye xistin.
Gerîla TVyê jî piştî daxuyaniya HPGyê dîmenên bi 3 kamerayên cuda yên xistina drona AKSUNGURê li ser hesabê xwe yê telegramê weşandin.
Di dîmenan de tê dîtin ku dronek tê armancgirtin û hîn li hewa ye parçe parçe dibe.
Artêşa Tirkiyeyê heta niha derbarê mijarê de ti daxuyanî belav nekiriye û xistina firokeya xwe piştrast nekiriye.
Adara 2024an Fermandariya Biryargeha Navenda Parastina Gel (NPG) ragihandibû ku “Gerîla bûne xwedî wê derfetê ku Balafirên Bêmirov ên Biçek (SÎHA) bê bandor bikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse