Kurdistan
Şikeftek li sînorê Çiyayên Hemrînê ji aliyê firokeyên şer ên Iraqê ve hat bombebarankirin.
Hewlêr (Rûdaw) – Firokeyên şer ên Iraqê li sînorê Hemrînê şikeftek ku sitargeha çekdarên DAIŞê bû, bombebaran kirin û hêzên Iraqî berpirsekî leşkerî yê rêxistina DAIŞê li Hemrînê desteser kirin. Berpirsekî Hêza Pêşmerge li sînorê Hemrînê jî dibêje, di bombebarana firokeyên Iraqê de 6 çekdarên DAIŞê hatine kuştin.
Şaneya Ragihandina Emnî ya Iraqê îro Yekşembî 29ê Gulana 2022 di daxuyaniyekê de aşkere kir ku firokeyên cengî yên wî welatî şikeftek li devera Zirlok a rêzeçiyayên Hemrînê ya li li aliyê parêzgeha Diyaleyê ve bombebaran kirine, ku sitargeha rêxistina DAIŞê bûye.
Li gor heman daxuyaniyê, bombebarana şikeftê ji aliyê firokeyên F-16 ên artêşa Iraqê ve hatine encamdan û tekezî hatiye kirin, piştî bombebaranê berpirsekî leşkerî yê DAIŞê hatiye desteserkirin.
Li aliyekê din, Fermandarê Fewca 2 a Lîwaya 3 a Bejayî ya Hêza Pêşmerge li sînorê Germiyanê, Celîl Mihemed ji Rûdawê re ragihand, “Li gor zanyariyên gihîştine destê me di bombebaranê de 6 çekdarên DAIŞê yên di şikeftê de hatine kuştin.”
Celîl Mihemed diyar kir, “serkirdeyê wan şeş çekdarên DAIŞê û endamekî din ên rêxistina DAIŞê ji aliyê artêşa Iraqê ve hatine desteserkirin.”
Devera Zirlok dikeve bakurê rojavayê nahyeya Seidiye ya ser bi qezaya Xaneqînê ve ku li parêzgeha Diyaleyê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse