Hewlêr (Rûdaw) - Hevpeyamaniya Navdeletî diyar kir ku Hêzên Sûriya Demokratîk (HSD) bi alîkariya Hevpeymaniyê qaçaxçiyekî çekan ê DAIŞê girtine.
Hêzên Hevpeyamaniya Navdeletî ya li dijî DAIŞê daxuyaniyek belav kir û tê de ragihand ku serê sibê 28ê Nîsana 2023an, Hêzên Sûriya Demokratîk ji bo girtina qaçaxçiyekî çekan ê DAIŞê û têkbirina operasyonên DAIŞê li parêzgeha Dêrezorê operasyonek pêk anîne.
Hevpeymaniyê di daxuyaniyê de da zanîn ku HSDê bi piştevaniya wan qaçaxçiyê çek û cebilxane yê naskirî yê DAIŞê yê bi navê Îd Hesen Hemûd El-Fehd di operasyoneke serkeftî de girtine.
Herwiha Hêzên Hevpeymaniyê diyar kirin ku armanca vê operasyonê ew e ku şiyana DAIŞê ya pêkanîna êrîşên tund li herêmê têk bide.
Di berdewamiya daxuyaniya xwe de Hêzên Hevpeymaniyê piştevaniya xwe ji bo HSDê tekez kir û dibêje “Hêzên Hevpeymaniyê pabend in bi şîretkirin, alîkarîkirin û îmkankirina hevkarên xwe ku ewlehî û aramiyê li seranserê herêmê biparêzin.”
We remain committed to #AdviseAssistEnable our partners to maintain the #region's safety and security. #DefeatISIS pic.twitter.com/zSBce7JVyg
— Combined Special Ops Joint Task Force-Levant (@SOJTF_LEVANT) April 29, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse