Hewlêr (Rûdaw) – Berdevkê Operasyonên Hevbeş ên Iraqê diyar kir ku şiyana DAIŞê ya rûbirûbûna hêzên Iraqê nemaye û tiştê ku niha heye tenê şerê îstixbaratî ye.
Berdevkê Operasyonên Hevbeş ên Iraqê Emîd Yehya Resûl beşdarî bernameya Mijar a Radyoya Rûdawê bû û ragihand: “Liv û tevgerên DAIŞê li çiyayê Hemrîn û deverên biyaban heye, hêzên Iraqê jî bi rêya daketina esmanî hejmareke mezin a çekdarên DAIŞê ji nav birine û çekdarên ku mane jî, hatine dorpêçkirin.”
Yehya Resûl herwih eşkere kir: “Ti artêşeke cîhanê nikare bilindahiyên Hemrînê kontrol bike, lê hêdî bi hêdî bi hevkariya hêzên esmanî û çekên giran, em li dijî wan operasyon dikin, tiştê ku niha heye, şerê îstixbaratî ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse