Bo Şirnex û Colemêrgê hişyariya berfê

Hewlêr (Rûdaw) - Saziya Keşnasiya Tirkiyê bo parêzgehên Şirnex û Colemêrgê yên Bakurê Kurdistanê hişyariya berfa zêde da.

Roja 29ê Adarê derengê şevê tê çaverêkirin ku li rojhilatê parêzgeha Şirnexê û li parêzgeha Colemêrgê berfeke zêde bibare.

Saziya Keşnasiya Tirkiyê ragihand ku roja 29ê Adarê piştî nîvro li gelek bajarên Bakurê Kurdistanê baran û berf bi hev re dibare û piştî nîvê şevê li Colemêrgê û rojhilatê Şirnexê ligel baranê berfeke zêde dibare.

Saziya Keşnasiya Tirkiyê ji welatiyan daxwaz kir ku ji ber qeşa û pûkê di dema hatûçûnê de baldar bin û tedbîrên pêwîst werbigrin. Herwiha bo hinek bajarên Bakurê Kurdistanê jî hişyariya ba û bahozê hatiye dayîn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger