Nûçegihanê Rûdawê: DAIŞê li Kerkûkê polîsek kuşt

Hewlêr (Rûdaw) - Li gorî agahiyên Rûdawê, DAIŞê li Kerkûkê êrişî 2 polîsan kir û di encamê de yek ji wan hat kuştin.

Nûçegihanê Rûdawê Herdî Mihemed li Kerkûkê ragihand, du çekdarên DAIŞê çavdêriya du polîsan kirine û ew dema ku ji bo kirîna kelûpelan çûne bazarê, gule li wan reşandine û yek ji wan kuştine.

Li gorî zanyariyên Nûçegihanê Rûdawê, di encama êrişê de 2 sivîl jî birîndar bûne.

Li gorî dîmenên ku ketine destê Rûdawê, îro piştî nîvro li bajarê Kerkûkê yê Başûrê Kurdistanê polîsekî çalakiyên sivîl hat kuştin.

Di dîmenan de diyar dibe ku kesek diçe paş serê polîsekî û guleyekê bi serê wî de diteqîne.

Nûçegihanê Rûdawê Herdî Mihemed ji cihê bûyerê ragihand:

“Du polîsên çalakiyên sivîl dema ku li Bazara Lengeyê bûn, ji aliyê du kesên çekdar ve hatin gulebarankirin û yekî ji wan di cih de canê xwe ji dest da.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger