Diz ketine avahiya Amed Radyo TV

Hewlêr (Rûdaw) - Li Amed a Bakurê Kurdistanê diz ketin avahiya Amed Radyo TV û hin amûrên teknîkî dizîn. Hat ragihandin ku dizan zirar jî dane cîhazan. Rêveberiya kanalê bi gotinên “Hûn çi ji me dixwazin! Hûn çima me perîşan dikin?” nerazîbûna xwe anî ziman.

Rêveberiya Amed Radyo TV li ser Twitterê daxuyaniyek da û diyar kir ku dizan dîwar şikandine û ketine avahiyê buroyê, zirar dane amûrên weşana televîzyonê û klîma jî dizî ne. Li aliyê din hat destnîşankirin ku gelek amûran zirar dîtine.

Amed Radyo TV li ser hesabê xwe yê Twitterê gazincên xwe li Parêzgariya Amedê û rêveberiya ewlehiyê ya Amedê kir û anî ziman, “Hûn çi ji me dixwazin! Hûn çima me perîşan dikin? Parêzgariya Amedê, rêveberiya ewlehiyê ya Amedê, ev bûyera çendan e? Ji ber ku nikarin çareseriyekê bibînin, em dev ji vî karî berdin?”

Amed Radyo TV her wiha anî ziman, “Dîwar şikandine û ketine hundir. Zirar dane alavên me yên weşana televîzyonê. Klîma û motora wê dizîne, hin malzemeyên teknîkî birine. Me hîn nekariye zirara diziya berê bidin! Vê carê hêza me têrê nake! Êdî bes e!”

Duvarı kırıp içeri girmişler. TV yayın cihazlarımıza zarar vermişler. Klima ünitesini ve motorunu çalmışlar, içeride bulunan teknik malzemelerin bazılarını almışlar...
Daha önce yapılan hırsızlığın zahiyatını henüz gideremedik! Bu sefer buna gücümüz yok! YETER ARTIK! https://t.co/OHHiHJd0Nn pic.twitter.com/srQVTf3gIQ

— AmedRadyoTv (@amedtvradyo) November 27, 2022

Amed Radio TV

Li Tirkiyê cara yekem navê Amedê bi erêkirina serlêdana ji bo navê weşanê ya ART ku ji aliyê rêveberiya Ferat Mehmetoglu ve ji RTUKê re hatibû kirin, hat qebûlkirin.

Amed Radyo TV ya ku weşana bi du zimanan dike, di 23ê Nîsana 2010an de dest bi weşana xwe kir.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger