Li Rihayê qeza: 7 kes birîndar bûn
Hewlêr (Rûdaw) – Li parêzgeha Rihayê 4 wesayît li hev qelibîn û di encamê de 7 kes birîndar bûn.
Li herêma Akabeyê ya Rihayê di qezaya trafîkê ya ku li dû hev pêk hat de 4 wesayît li hev qelibîn.
Li ser agahdarkirinê tîmên tenduristiyê, îtfaiye û polîs çûn cihê qezayê.
Di qezayê de 7 kes birîndar bûn û bi alîkariya ekîbên agirkujê ji wesayîtan hatin derxistin.
Tîmên tenduristiyê birîndar bi ambûlansan rakirin nexweşxaneyan.
Ji ber qezayê hatin û çûyîna li herêmê qasî demekê hat ragirtin.