Hewlêr (Rûdaw) - Li parêzgeha Mûşê ya Bakurê Kurdistanê, trenê li makîneya kar a pompeya çîmentoyê xist û encamê de şofêrê makîneya kar mir û 2 makînîst jî birîndar bûn.
Trena ku ji Tetwanê diçû Xarpêtê, li Mûşê li makîneya kar a pompeya çîmentoyê ya li kêleka rêya hesinî kar dikir xist.
Bi hêza lêxistinê, makîneya kar bû du parçe û trenê nêzîkî 100 metreyan beşa pêş a makîneyê bi xwe re xişikand û tren piştre sekinî.
Di qezayê de şofêrê makîneya kar Alî Akgul cane xwe ji dest da û 2 makînîst jî birîndar bûn.
Li ser agahdarkirinê tîmên tenduristiyê, polîs û cendirme çûn cihê bûyerê.
Rêwiyên trenê hatin veguhestin.
Tîmên tenduristiyê birîndar bi ambulansan birin nexweşxaneyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse