Hewlêr (Rûdaw) - Li parêzgehên Amed û Dîlokê yên Bakurê Kurdistanê, xwepêşanderên ku êrişên Îsraîlê yên li dijî Xezeyê protesto dikirin êrişî şaxên Starbucksê kir.
Doh li piraniya bajarên Tirkiye û Bakurê Kurdistanê xelk li dijî êrişên Îsraîlê yên li Xezeyê daketin kolanan.
Li Amedê demjimêrên êvarî li ser rêya Amed-Rihayê komeke ku Îsraîl protesto dikirin bi hinceta “alîgirê Îsraîlê” ye bi kevir, dar û kursiyan êrişî şaxa kompanya Starbucksê kir.
Di êrişê de zerareke zêde ya madî çêbû.
Li aliyê din li Dîlokê jî xwepêşanderan êrişî şaxa Starbucksê kir û zerareke zêde dan kelûpelan û camên wê şikandin.
Li #Amed`ê komekê, ji bo şermezarkirina êrişên #Îsraîl`ê yên li #Xeze`yê şaxên #Starbucks`ê dan ber dar û keviran pic.twitter.com/i08wackncl
— RudawKurdi (@RudawKurdi) October 27, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse